Siguria kibernetike, prioritet i vendeve në botë

Menaxhimi dhe monitorimi i spektrit, siguria kibernetike, teknologjitë dhe qasja për zgjidhjen e një sërë shërbimesh kritike për mbrojtjen e peizazhit digjital janë pjesë e temave të diskutuara nga ekspertët në Konferencën Ndërkombëtare Rregullatore, e cila po mbahet në Ohër, organizuar nga Agjencia për komunikime elektronike në Maqedoni.

Siguria kibernetike është një nga sfidat më të mëdha me të cilat përballen vendet në botë. Aksionet po bëhen gjithnjë e më shumë në këtë front, pasi inteligjenca artificiale po përdoret gjithnjë e më shumë për qëllime negative si telefonata të rreme, intervista dhe lajme të rreme, si dhe për kërcënime.

Ndryshe nga vendet e pasura që përballen me sulme kibernetike për shkak të interesit tregtar, vendi ynë pas anëtarësimit në NATO përballet kryesisht me sulme politike.

“Si një vend i vogël, mendoj se i kemi përballuar mjaft mirë të gjitha ato sulme, sidomos tani gjatë fushatës zgjedhore. Njoftimet ishin se do të kishte sulme dhe kishte, por për fatin tone të mirë me suksesin tonë mund të them lirisht se situata u menaxhua mjaft mirë.”, – deklaroi drejtori i Agjencisë për komunikim elektronik, Jeton Akiu.

Ekspertët thonë se duhet të zhvillohen metoda që shtetet të luftojnë me sukses sulmet kibernetike, ku faktori njerëzor luan gjithmonë një rol të madh. Problemi më i madh në rajon është mbajtja e personave të kualifikuar. Kjo mund të arrihet vetëm duke rritur të ardhurat e tyre, sepse më të suksesshmit largohen drejt vendeve më të zhvilluara për shkak të pagave të larta./TVM2