Shtohet numri i pengjeve izraelite, Hamasi: Janë 33 civilë dhe ushtarë

Mediat izraelite raportojnë se militantët palestinezë kanë nisur një fushatë të egër pengmarrjeje. Numri i pengjeve përditësohet nga ora në orë, ku deri më tani numri zyrtar i të rrëmbyerve nga Hamasi është 33.

Midis tyre janë civilë dhe ushtarë. Zëdhënësi i Hamasit, Khaled Qadomi tha për Al-Jazeera se nuk kanë marrë “pengje” por “të burgosur lufte.

“Ne duam që komuniteti ndërkombëtar të ndalojë mizoritë në Gaza, kundër popullit palestinez, vendeve tona të shenjta si Al-Aksa. Të gjitha këto janë arsyet pas fillimit të kësaj beteje. Ata nuk janë pengje, ata janë robër lufte. Është një luftë kundër pushtuesve,” tha ai. (BalkanWeb)