Shkup, 121 gjoba për kundërvajtje në komunikacion

Ministria e Punëve të Brendshme njoftoi se gjatë ditës së djeshme ka vazhduar me aksionet e përforcuara në fushën e komunikacionit.

“Në territorin e Shkupit janë shqiptuar 121 masa prej të cilave 16 janë për tejkalim shpejtësie, 12 për vozitje pa leje, 32 për këmbësorë, tre dënime për automjetet e paregjistruara dhe 38 për parkim jo të rregullt”, thuhet në njoftimin e policisë.

Aksionet të këtilla do të ketë edhe gjatë ditëve të ardhshme.

“U bëjmë thirrje qytetarëve që t’i respektojnë rregullat në mënyrë që ta risim sigurinë në komunikacion”, thuhet në njoftimin e policisë.