Shënohet 24 maji – Dita e vëllezërve Kirili dhe Metodi
Sot shënohet 24 maji, dita kushtuar Shën Kirilit dhe Metodit, të cilët njihen si iluministë, krijues të alfabetit dhe gramatikës dhe për veprën e tyre misionare për mësimin e shkrim-leximit dhe shpërndarjen e ortodoksizmit në zhvillimin kulturor të të gjithë sllovenëve.
Presidentja Gordana Siljanovska Davkova me këtë rast ka dërguar mesazh urimi.
“Nga zemra ju uroj ta kaloni festën me shëndet, dashuri dhe harmoni, të mbushur me gëzim e lumturi që kemi mundësinë të shijojmë frytet e punës së madhe të vëllezërve. Falë tyre, popujt sllavë patën mundësinë të zhvillojnë shpirtëroren, kulturën, arsimin, shkencën e tyre. Si identiteti gjuhësor dhe kulturor maqedonas, ashtu edhe botëkuptimi dhe kozmopolitizmi, bazohen në punën dhe arritjet e tyre dhe në filantropinë e tyre. Shenjtorët Kirili dhe Metodi treguan se me dijen, etjen për të vërtetën, drejtësinë, përkushtimin, humanizmin dhe fisnikërinë, kufizimet mund të kapërcehen dhe padrejtësitë mund të mposhten. Bëma e vëllezërve të shenjtë le të vazhdojë të jetë udhërrëfyesi ynë moral e shpirtëror për jetë dhe krijim dinjitoz dhe të përmbushur.”, ka shkruar Siljanovska Davkova.
