Shabani, 8-vjeçari shembullor dhe i zgjuar, që u rrëzua nga kati i dytë dhe humbi jetën
Shaban Bruçi, është 8-vjeçari që humbi jetën në Bathore pasi u rrëzua aksidentalisht nga kati i dytë i shtëpisë.
I mituri u dërgua me urgjencë në spital, por nuk mundi të mbijetonte për shkak të plagëve të marra.
Për ndarjen e parakohshme të tij nga jeta, shkolla “Halit Coka” ka bërë një postim prekës në rrjetet sociale.
Në dedikim thuhet se Shabani shembullor dhe i zgjuar do t’u mungojë shokëve, mësuesve, nënës, motrës dhe dy vëllezëve.
Postimi i shkollës:
Me hidhërim të thellë njoftojmë se bangave të shkollës sonë, shokëve, mësuesve, nënës, motrës dhe dy vëllezëve, do ju mungojë Shaban Bruçi, ky djalë shembullor, i zgjuar, i dashur dhe i papërtuar për të marrë dije. Dhimbja dhe lotët janë të pashtershëm për ty Shaban.
I shprehim ngushëllime të përzemërta familjarëve të Shabanit!
I paharruar në zemrat tona!
