Sela: Edhe deputetë të BDI-së do të jenë pjesë e shumicës së re qeveritare!

Ziadin Sela: Pas zgjedhjeve do të ketë interpelancë për Zaevin dhe do të formohet shumica e re

Opozita shqiptare dhe maqedonase do ta detyrojë Zoran Zaevin që të jep dorëheqje menjëherë pas zgjedhjeve me interpelancën që do ta parashtrojë në kuvend.
“Pas zgjedhjeve menjëherë do të ketë shumicë të re parlamentare. Shumica e re është më se e nevojshme në mënyrë që një herë e përgjithmonë të hiqet dhuna shtetërore që ushtrohet ndaj qytetarit për ta shpreh vullnetin e lirë të tij, dhe në momentin që do të lirohet qytetari do të shkohet në zgjedhje të parakohshme parlamentare dhe të shihet se gjithsecili të sheh se sa peshon në politikë”, u shpreh Ziadin Sela.
Ai paralajmëroi se shumicës së re parlamentare do ti bashkangjiten edhe deputetë të BDI-së dhe të LSDM-së.