Rusia e ka tërhequr ushtrinë e saj nga fronti, por nuk po largohet nga bazat e saj në Siri
Një kolonë ushtarake ruse në Siri shkon drejt Latakisë/Foto: Depo Photos/ABACA/Abaca Press / Profimedia
Rusia po tërheq trupat e saj nga vijat e frontit në veri të Sirisë dhe nga pozicionet në malet alavite, por nuk po largohet nga dy bazat kryesore të vendit pas rënies së presidentit Bashar al-Assad, thanë katër zyrtarë sirianë për Reuters.
Përmbysja e Asadit, i cili krijoi një aleancë të ngushtë me Moskën, ka vënë në pikëpyetje të ardhmen e bazës ajrore ruse Khmeimim në Latakia dhe bazës së saj detare në Tartus.
Imazhet satelitore nga e premtja treguan të paktën dy Antonov AN-124, të cilët janë ndër avionët më të mëdhenj të transportit në botë, në bazën Hmeymim me kone të hapura, me sa duket gati për ngarkim.
Por burimet, të cilët folën në kushte anonimiteti për shkak të ndjeshmërisë së situatës, thanë se Rusia nuk po tërhiqej nga dy bazat kryesore dhe nuk kishte ndërmend ta bënte këtë.
Disa nga pajisjet po kthehen në Moskë, së bashku me oficerët më të lartë të ushtrisë së Asadit, por qëllimi i Rusisë në këtë fazë është të rigrupohet dhe të vendoset sipas situatës në terren.
Disa ditë më parë, Kremlini njoftoi se bazat ushtarake po diskutoheshin me qeverinë e përkohshme në Siri, por Ministria ruse e Mbrojtjes nuk iu përgjigj kërkesës së Reuters për koment.
