Regjistrohen 168 raste të reja me COVID-19 në Maqedoni
Ministria e Shëndetësisë njofton se gjatë 24 orëve të fundit nga 1.478 testime për coronavirus, 168 raste kanë rezultuar pozitiv.
Prej rasteve të reja 110 janë në Shkup, 9 në Kavadar dhe Koçan, Manastir 5, Kumanovë, Prilep dhe Ohër 3, Strugë, Negotinë, Makedonski Brod dhe Dojran 2 dhe nga 1 në Tetovë, Gostivar, Strumicë, Kërçovë, Sveti Nikole, Resnjë, Berovë, Dellçevë, Bogdanci dhe Demir Hisar.
Gjatë 24 orëve të fundit po ashtu ka pasur edhe 275 pacientë të shëruar dhe 4 pacientë humbën jetën.
Që nga fillimi i pandemisë në Maqedoni me COVID-19 janë diagnostifikuar gjithsej 218.362 raste e COVID-19, ndërsa prej tyre ka pasur 204.960 shërime dhe 7.695 kanë humbur jetën. Momentalisht në Maqedoni ka 5.707 raste aktive.
