Rashkovski kërkon t’i kthehet pasaporta

Ish-sekretari i përgjithshëm i Qeverisë, Dragi Rashkovski, ka kërkuar që t’i kthehet pasaporta, e cila i është marrë si masë për të parandaluar largimin e tij nga vendit. Ai para gjykatëses Mihailovska tregoi se kërkon që të hiqet masa për sigurimin e pranisë së tij.

Rashkovski ka mbetur pa pasaportë pasi fillimisht është liruar nga paraburgimi, e më pas edhe nga arresti shtëpiak. Vendimi është marrë nga Gjykata e Apelit në Shkup, kur edhe Rashkovskit i është urdhëruar që çdo të hënë të paraqitet në gjykatë dhe t’i merret pasaporta deri në aktgjykimin me të cilin akuzohet për keqpërdorim të pozitës dhe autoritetit zyrtar dhe për pastrim parash. Kërkesa e tij vjen në prag të sezonit të pushimeve verore./ Alsat.mk