Qeveria: Këto ditë jemi dëshmitarë të veprimeve dhe deklaratave nga Bullgaria që qytetarët e Maqedonisë nuk i shohin si miqësore

Me Marrëveshjen e 1 gushtit 2017, Maqedonia e Veriut dhe Bullgaria nënshkruan se do të dekurajojnë provokimet që nuk janë në interes të asnjërës palë, se nuk do të hyjnë në rrethin e fyerjeve, akuzave dhe gjuhës së urrejtjes, të cilat nuk sjellin asgjë të mirë ndaj kujtdo dhe së paku për popullin maqedonas dhe bullgar. Në vend të kësaj, marrëveshja obligon ruajtjen e dialogut evropian dhe respektimin dhe zbatimin e plotë të tij, duke përfshirë parimin themelor të mosndërhyrjes në punët e brendshme të të dyja vendeve, thuhet në deklaratën e sotme të Qeverisë së Maqedonisë së Veriut.

“Ne e kuptojmë situatën e brendshme politike parazgjedhore në Bullgari dhe procesin e ndërlikuar zgjedhor, por besojmë se kjo nuk është një arsye për mesazhe politike për nevoja të fushatës që shkojnë përtej vlerave dhe parimeve evropiane të respektit mbi të cilat Ndërtohet Traktati i Miqësisë, Fqinjësisë së Mirë dhe Bashkëpunimit.

Tonet e tilla nuk perceptohen si miqësore nga qytetarët maqedonas. Mosndërhyrja në punët e brendshme është qëndrim parimor dhe ne presim një qëndrim të tillë nga fqinjët” thuhet në deklaratën e Qeverisë.

Nga atje shtojnë se arritja e marrëveshjeve dhe angazhimi ynë për zbatimin e tyre, ndër të tjera, janë të nevojshme për pajtimin e popujve dhe shteteve në rajonin tonë për të jetuar në paqe të qëndrueshme dhe për të zhvilluar miqësi të qëndrueshme, siç bëjmë me të gjithë fqinjët tanë.