Policia e Kosovës shqipton 42 gjoba për ngasësit e automjeteve me xhama të errësuar

Njësiti rajonal i komunikacionit rrugor dhe Stacionet Policore të Drejtorisë rajonale të Policisë në Prizren në kuadër të zbatimit të ligjit për rregullat në trafikun rrugor, kanë ndërmarrë një sërë aktivitetesh duke shqiptuar 42 gjoba për ngasësit e automjeteve të cilët kanë pasur xhamat e errësuar në automjetet e tyre.

“Njësiti rajonal i komunikacionit rrugor dhe Stacionet Policore të Drejtorisë rajonale të Policisë në Prizren në kuadër të zbatimit të ligjit për rregullat në trafikun rrugor, kanë ndërmarrë një sërë aktivitetesh duke shtuar kontrollin në identifikimin e kundërvajtësve në trafik, me theks të veçantë të atyre kundërvajtësve të cilët janë hasur duke drejtuar automjetet e tyre në të cilat kanë të vendosura folje ose ndonjë material tjetër me qëllim të errësimit të xhamave në mjet”, njofton policia.

Në kuadër të këtij aktiviteti me datën 13.03.2024 janë shqiptuar dyzet e dy (42) gjoba për ngasësit e automjeteve të cilët kanë pasur xhamat e errësuar në automjetet e tyre.