Policia e Kosovës parandaloi dy tentime për kontrabandë nga Maqedonia, u kap mall me vlerë 19 mijë euro
Dogana e Kosovës njofton se ka parandaluar dy tentime të kontrabandës në pikëkalimin kufitar Hani i Elezit, duke kapur mallra të padeklaruara në dy raste të ndara. Sipas Doganës vlera e mallrave është afër 20 mijë euro.
Në njoftimin e Doganës thuhet se ‘Rasti 1: mbrëmë në ora 20:50, oficerët doganorë ndaluan një automjet me targa kosovare. Derisa pala kur u pyet nëse kishte diçka për të deklaruar, u përgjigj “Jo.” Gjatë një kontrolli të bagazhit dhe ndarjes së gomës rezervë, oficerët zbuluan 226 paketime parfumesh nga marka si të njohura, me një vlerë totale prej 13,699.70 euro. Pas zbulimit mallrat janë konfiskuar dhe për momentin iu janë nënshtruar procedura të origjinalitetit të tyre”.
Për rastin e dytë thuhet se mbrëmë në orën 22:45, një automjet me targa të RMV u ndalua për kontroll. Pas deklarimit të shoferit se nuk kishte mallra për të deklaruar, oficerët kryen një kontroll të dytë dhe zbuluan 40,000 cigare elektronike me vlerë prej 4,340.00 e, të fshehura në pjesë të ndryshme të automjetit.
“Të dy personat kanë shkelur Kodin e Doganës dhe të Akcizave të Kosovës. Rastet i janë referuar Sektorit të Kundërvajtjeve Doganore për veprime të mëtejshme ligjore, derisa sektori i Hetimeve është duke punuar në hetime shtesë”, thuhet në komunikatë.
