Pas vendimit të Gjykatës për parregullsi zgjedhore në Likovë, koalicioni VLEN paralajmëroi padi penale për përgjegjësit

Koalicioni shqiptar VLEN do të iniciojë padi penale ndaj anëtarëve të këshillit zgjedhor të vendvotimit 1112/1 në Likovë në të cilin dyshoi se në ditën e zgjedhjeve ka pasur të organizuar të ashtuquajtur “tren bullgar”. Sipas tyre, Gjykata Administrative vërtetoi akuzat duke prishur votimin në këtë vendvotim, raporton Alsat.

“Këshilli zgjedhor në vendvotimin numër 1112/1 edhe zyrtarisht u shkarkua. Shumë shpejt do të iniciohet procedurë penale kundër të gjithë atyre që i kanë kryer parregullsitë”, thonë nga Kabineti i kandidatit për president, Arben Taravari.

Një ditë më parë, Komisioni Shtetëror Zgjedhor ka shkarkuar të gjithë anëtarët e vendvotimit me numër 1112/1 në Likovë. Abdush Demiri, anëtarët i opozitës shqiptarë në KSHZ, përveç shkarkimit, ka paralajmëruar edhe përgjegjësi disiplinore dhe penale.

Ndryshe, koalicioni VLEN më 2 maj ka njoftuar që Gjykata Administrative ka pranohet ankesa e koalicionit VLEN në lidhje me mbushjet e kutive në Likovë. Komisioni Shtetëror Zgjedhor (KSHZ) në mbledhjen e 29 prillit vendosi që të mos pranohet ankesa për votim në rrethin e parë të zgjedhjeve presidenciale të 24 prillit të koalicionit Vlen për vendvotimin 1112/1 në Komunën e Likovës.

Rrethi i dytë i zgjedhjeve presidenciale do të mbahet me 8 maj së bashku me zgjedhjet parlamentare.