Nikollovski: Në pranverë do të vozisim në disa pjesë të autostradës Kërçovë-Ohër
Pres që në pranverë të vozisim në pjesë të caktuara dhe deri në fund të vitit 2026 përfundimisht të përfundojë ndërtimi i autostradës Kërçovë-Ohër, tha ministri i Transportit dhe Lidhjeve, Aleksandar Nikoloski, duke u përgjigjur në pyetjen e gazetarit.
Ai bëri të ditur se Qeveria ka miratuar ligjin e ri për ndryshimin dhe plotësimin e Ligjit për realizimin e autostradës Kërçovë-Ohër, transmeton Lideri.mk, i cili duhet të miratohet në Kuvend javën e ardhshme dhe bashkë me të një nga problemet themelore për realizimin e kësaj autostrade do të të zgjidhet.
Siç theksoi Nikolloski, ndryshimet ligjore janë në pjesën e karakteristikave teknike të asfaltit që përdoret për finalizimin e shtresave përfundimtare të autostradës, të përshtatura me kushtet e brendshme gjeologjike.
– Të gjitha problemet që pamë janë shkaktuar nga puna e papërgjegjshme e qeverisë së kaluar. Ndryshimet ligjore janë në pjesën e karakteristikave teknike të asfaltit që do të përdoret. Jemi duke bërë përshtatje të kushteve vendore. Asfalti nuk mund të transportohet më shumë se 100 kilometra nga vendi ku është prodhuar, që do të thotë se duhet përdorur një logjistikë lokale dhe ne përshtatemi me gjeologjinë, pra me depozitat që përdoren në prodhimin e asfaltit. Me miratimin e këtij ligji, do të fillojmë menjëherë asfaltimin e pjesëve fundore të disa seksioneve dhe për të qenë më konkret, do të kemi pjesë të autostradës që do të funksionojnë plotësisht deri në pranverën e ardhshme. Pres që deri në fund të vitit 2026 të kemi një autostradë të përfunduar – tha Nikollovski.
Ai theksoi se po zgjidhen edhe problemet e trashëguara me shpronësimet, transmeton lideri.mk, objektet në trasenë rrugore, si dhe rrëshqitjet e dheut.
Autostrada Kërçovë-Ohër e Korridorit 8 filloi të ndërtohet në shkurt të vitit 2014. Vlera e autostradës me gjatësi totale prej 57 kilometrash ishte projektuar fillimisht në 374 milionë euro dhe pas disa anekseve të Marrëveshjes dhe shtyrjes së afateve arriti në 598 milionë euro. Me shtesat ligjore në prill të këtij viti, u bë e mundur përmbyllja e aneksit të gjashtë të Marrëveshjes, e cila zgjati periudhën e ndërtimit deri në fund të vitit 2026./Lideri
