Nigeri, 17 të vrarë në një sulm të armatosur

Në rajonet Agatu dhe Kastina-Ala të provincës Benue është kryer një sulm i armatosur nga persona identiteti i të cilëve ende nuk dihet

Në provincën Benue të Nigerisë 17 persona u vranë në sulmet me armë, transmeton Anadolu Agency (AA).

Sipas lajmeve në shtypin kombëtar, në rajonet Agatu dhe Kastina-Ala të provincës Benue është kryer një sulm i armatosur nga persona identiteti i të cilëve ende nuk dihet.

Të paktën 17 persona humbën jetën në sulm dhe shumë të tjerë u plagosën.

Përdorimi i motoçikletave është ndaluar në disa provinca për shkak të sulmeve të fundit të armatosur me motoçikleta në vend.

Herë pas here, Benue është skenë e konflikteve të ashpra midis grupit etnik Fulani, anëtarët e të cilit merren me blegtori dhe disa fiseve të cilët merren me bujqësi, për shkak të mosmarrëveshjeve në lidhje me tokën.

Herën e fundit në provincë më 3 maj, 17 persona humbën jetën në sulmet e armatosura.