MPB: Pikat për lëshimin e dokumenteve në Shkup do të jenë të hapura me kohë të plotë nesër dhe pasnesër

MPB njofton qytetarët të cilët nesër dhe pasnesër (29 dhe 30.11.2023) kanë caktuar termine për fotografimin dhe ndërrimin e dokumenteve personale në Shkup, se pikat për dhënien e dokumenteve personale do të punojnë me orar të plotë, që do të thotë se takimet e planifikuara do të realizohen.

“Gjegjësisht, sipas vendimit të Qeverisë, orari i punës së të gjithë të punësuarve në administratën shtetërore dhe publike në territorin e qytetit të Shkupit nesër, më 29 nëntor (e mërkurë) duhet të përfundojë në ora 12:00 dhe 30 nëntori (e enjtja) të jetë ditë jo pune për të gjithë të punësuarit në administratën shtetërore dhe publike, në zonën e qytetit të Shkupit, si dhe për shkollat ​​fillore dhe të mesme në zonën e qytetit të Shkupit, për shkak të mbajtjes së takimit të 30-të ministror të OSBE-së, kjo nuk do të zbatohet për shërbimet e çështjeve civile të Ministrisë së Punëve të Brendshme, të cilat të dyja ditët do të punojnë rregullisht, me kohë të plotë.
Për mbarëvajtjen e procesit të zëvendësimit dhe lëshimit të dokumenteve personale, Ministria e Brendshme apelon qytetarët që të respektojnë datat e parapara”, njoftojnë nga atje.