Mjekët e rinj zgjidhjen e kërkojnë jashtë Maqedonisë

Punësimet partiake, burokracia e madhe dhe mungesa e vullnetit politik për reforma të vërteta, janë vetëm pjesë e problemeve kyçe me të cilat ballafaqohen mjekët e rinj gjatë punësimit. Mjeku Bojan Trajkovski nga Asociacioni i mjekëve të rinj në intervistë për REL thotë se mjekët e rinj presin mbi një vit për punësimin e parë, kjo në situatë kur vendit i mungojnë kuadro.

Problemet administrative që i kanë kolegët pas diplomimit janë të mëdha. Fatkeqësisht, një pjesë e madhe e kolegëve zgjidhjen e gjejnë jashtë Maqedonisë duke mos pasur shpresë se këtu diçka do të përmirësohet, tha Bojan Trajkovski, Asociacioni i Mjekëve të rinj.