Ministria e Shëndetësisë dhe Oda e Mjekëve firmosën deklaratë për mbështetjen e vaksinimit

Me iniciativën e Dhomës së Mjekëve, përfaqësues të shquar të organizatave shkencore, arsimore dhe profesionale nënshkruan sot një Deklaratë për promovimin dhe mbështetjen e vaksinimit. Oda e Mjekëve vlerëson se është e një rëndësie të madhe që publiku profesionist t’u dërgojë qytetarëve një mesazh të qartë dhe të unifikuar për rëndësinë e vaksinimit si masë e provuar shkencërisht dhe më efektive për parandalimin e përhapjes së sëmundjeve infektive.

“Është për keqardhje që besimi i qytetarëve është lëkundur deri në atë masë që mbulimi me të gjitha vaksinat nga kalendari i rregullt i imunizimit është nën 90 për qind, edhe pse për të arritur mbrojtje kolektive duhet të jetë mbi 95 për qind. Si pasojë kemi një epidemi të kollës së keqe dhe është gjithnjë e më e sigurt se do të përballemi sërish me një tjetër epidemi të fruthit. Shpresoj që me nënshkrimin e këtij dokumenti dhe përfaqësimin e qëllimeve që janë të theksuara në vetë tekstin e Deklaratës, do të arrijmë një hap pozitiv në rikthimin e besimit të qytetarëve në arritjet mjekësore dhe faktet shkencore.”, tha kryetarja e Odës së Mjekëve, Kalina Grivçeva Stardelova.

Në Deklaratë në Mbështetjen e Vaksinimit thuhet se “Imunizimi dhe vaksinat janë një nga arritjet më të mëdha të njerëzimit dhe asnjë ndërhyrje tjetër mjekësore nuk ka shpëtuar më shumë jetë. Gjithashtu theksohet se shpërndarja e informacionit të paverifikuar për vaksinimin përhap frikë të pajustifikuar tek prindërit, gjë që ka sjellë një rënie alarmante të numrit të fëmijëve të vaksinuar, transmeton TVM2.

“Fatkeqësisht, jemi dëshmitarë të publikimit të lajmeve të rreme dhe dezinformatave në çdo segment të shoqërisë, por dezinformatat për sa i përket shëndetit mund të jenë kërcënuese për jetën. Nga aty, duhet të punohet së bashku për të ngritur nivelin e edukimit shëndetësor të popullatës, duke pasur parasysh se shumë sëmundje parandalohen pikërisht për shkak të vaksinimit. Me nënshkrimin e Deklaratës së përbashkët, ne formojmë një front më të gjerë për të mbështetur vaksinimin, për të ruajtur vazhdimësinë e aktiviteteve dhe për të theksuar rëndësinë e imunizimit. Synimi ynë i përbashkët është mbrojtja dhe përmirësimi i shëndetit të qytetarëve.”, tha ministri i shëndetësisë Ilir Demiri.

Mjekët amë, në shenjë revolte, gjatë së hënës kanë ndërprerë punën nga ora 12.00 deri 16.00. Janë shprehur të indinjuar nga vrasja brutale e kolegut të tyre. Kërkojnë mbrojtje dhe përfundimisht të miratohet Ligji për mjekët që përgatitet tashmë 15 vite.