Ministri Murtezani takohet me ambasadoren Ageler: Të përkushtuar në luftën kundër korrupsionit dhe integrimin e vendit në BE

Ministri për Çështje Evropian, Orhan Murtezani është takuar me ambasadoren e SHBA-së në Maqedoninë e Veriut, Angela Ageler.

Në takim, siç thuhet në njoftimin, është konfirmuar përkushtimi i përbashkët për luftën kundër korrupsionit stabilitetin dhe zhvillimin e proceseve demokratike.

“Ambasadorja Ageler theksoi mbështetjen e SHBA-së në rrugën tonë euro-integruese dhe potencoi rëndësinë e qasjes aleate për arritjen e zhvillimit dhe stabilitetit të dëshiruar, si në vendin tonë ashtu edhe në të gjithë rajonin.Biseduam edhe për Agjendën reformuese të Planit të rritjes, që do të sigurojë përshpejtimin e rritjes ekonomike të vendit, por edhe përafrimin drejt standardeve evropiane, gjë që do të lehtësojë integrimin tonë në Bashkimin Evropian”, thuhet në njoftimin e ministrit Murtezani.