Mickoski: VMRO-DPMNE-ja në gjenezë është parti properëndimore

Kreu i VMRO-DPMNE-së opozitare, Hristijan Mickoski në një intervistë për gazetën kroate “Vecernji” ka hedhur poshtë çdo lidhje me Rusinë, shkruan TV21. Mickoski thotë se deklarata të tilla janë të fabrikuara nga opozita, për të arsyetuar dështimet e tyre.

“Vecernji”: Në qarqet evropiane jeni akuzuar gjithmonë se jeni parti nën ndikimin e Rusisë, sa e vërtetë është e gjithë kjo?

“Unë e shoh këtë si një shaka. VMRO-DPMNE në substratin dhe gjenezën e saj historike është parti properëndimore. Dhe organizata historike VMRO gjatë krijimin të saj në vitin 1893 ka si bazë themelore krijimin e një Republike të lirë, në kohën kur monarkitë dhe mbretëritë ishin aktual në rajon. Sa për mua personalisht, shkollimin dhe jetën time të punës e kam kaluar ndër të tjera në universitetet perëndimore në Gjermani dhe Itali. Pra, ajo tezë për disa lidhje lindore është fabrikuar artificialisht për të hedhur dyshime dhe për të mbuluar papunësinë e qeverisë aktuale”, tha Mickoski për Vecernji.hr.