Mickoski uron 33 vjetorin e pavarësisë: Të krijojmë një shtet me qytetarë të lumtur dhe një ekonomi të fortë!

Sot shënohet momenti më i ndritshëm i ekzistencës së shtetit maqedonas, akti final pas luftës shekullore për liri dhe pavarësi, apo siç mund të quhet dita mbi të gjitha ditët – 8 Shtatori, festa e pavarësisë sonë, ka shkruar kryeministri Hristijan Mickoski në faqen e tij në Facebook me rastin e festës së Pavarësisë.

“Në këtë ditë për herë të parë në sheshin Maqedonia ku u kremtua pavarësia u dëgjuan fjalët “Urime Republikën sovrane dhe të lirë të Maqedonisë”. Në të njëjtën kohë, të mos harrojmë se 8 shtatori është aspirata e mijëra luftëtarëve të mëparshëm për një vend të lirë dhe të pavarur. Atëherë po ndërtoheshin themelet e Republikës dhe po krijoheshin institucionet, por edhe sot kemi beteja që duhet t’i fitojmë, së bashku, të ndryshme, edhe pse të ndryshme, por po aq të rëndësishme”, thotë Mickoski.

Duhet ta mposhtim zhgënjimin, shton Mickoski, të cilin na e lanë edhe krimin dhe korrupsioni, që sot janë problemet kryesore me të cilat po luftojmë. Le të investojmë çdo atom të forcës sonë në ndërtimin e një të ardhmeje që çdo person e meriton.

“Kësaj radhe shteti është në lëvizje dhe ne po ia kthejmë popullit. Le të krijojmë një vend me qytetarë të lumtur dhe një ekonomi të fortë. Një shoqëri që do t’i përgjigjet nevojave reale dhe do të ofrojë zgjidhje reale. Le të shpëtojmë njerëzit tanë këtu në atdheun tonë. Ky brez ka detyrimin të korrigjojë gabimet dhe të krijojë një të ardhme për të gjithë që vijnë. Kjo është beteja jonë e përbashkët dhe së bashku luftojmë dhe së bashku do ia dalim! Qoftë një ditë e lumtur dhe e përjetshme e pavarësisë. Zoti e bekoftë Maqedoninë!”, thekson kryeministri në urimin me rastin e festës së Pavarësisë.