Mickoski: Ish zyrtarë të lartë, me miliona dollarë, punojnë në nxitjen e konflikteve ndëretnike

Qeveria ka indikacione se struktura të caktuara me kapital të madh po tentojnë të shkaktojnë incidente dhe konflikte ndëretnike, tha sot kryeministri Hristijan Mickoski në përgjigje të pyetjes së gazetarëve. Mickoski apeloi tek opinioni që të qëndrojë i qetë dhe të mos u nënshtrohet provokimeve dhe theksoi se autorët e këtyre provokimeve do të mbajnë përgjegjësi para organeve kompetente.

“Kemi indikacione për elementë që kanë në dispozicion miliona para. Disa prej tyre janë zyrtarë të lartë në ish-qeveritë që po përpiqen të mobilizojnë njerëzit në terren. Në pjesën më të madhe, ata përpiqen të manipulojnë dhe ajo që më shqetëson, ata përpiqen të provokojnë një konflikt etnik. Domethënë të destabilizojmë harmoninë ndëretnike në Maqedoni… këtë nuk do ta lejojmë”, tha Mickoski./Alsat