Me vlerë 900,000 dollarë: Gjenden pikturat e vjedhura nga Pablo Picasso dhe Marc Chagall
Policia belge ka gjetur piktura të vjedhura nga artisti spanjoll Pablo Picasso dhe artisti francez Marc Chagall në bodrumin e një shtëpie në Antwerp, thanë autoritetet lokale, duke shtuar se veprat e artit ishin ende në gjendje të mirë .
Tete e Picasso-s dhe L’homme en prière e Chagall-it me vlerë 900,000 dollarë u vodhën nga një koleksionist arti në Tel Aviv, Izrael në vitin 2010.
Në momentin e vjedhjes janë vjedhur edhe bizhuteri me vlerë 680 mijë dollarë, por janë gjetur vetëm fotot.
Policia lokale filloi hetimin kur një burim i informoi se një shtetas belg po ofronte dy veprat e artit për shitje. Prokurori vendor tha se i dyshuari kryesor është arrestuar.
