LSDM: Qeveria e udhëhequr nga LSDM-ja mbron interesat shtetërore dhe kombëtare

Partia maqedone në pushtet Lidhja Social Demokrate edhe sot ka vazhduar duke thënë se ato si parti mbrojnë interesat kombëtare ndërsa VMRO sipas tyre në kohën kur po zgjidhej procesi i eurointegrimeve silleshin në mënyrë të turpshme, të papërgjegjshme dhe të papranueshme.

Nga atje thonë se sa i përket Bullgarisë, LSDM mbron interesat kombëtare, ndërsa VMRO-DPMNE bën dëm.

Qeveria e udhëhequr nga LSDM-ja mbron interesat shtetërore dhe kombëtare, në zgjidhjen e çështjeve me Bullgarinë, nuk del nga vijat e kuqe të përcaktuara me Rezolutën e miratuar në Kuvend nga deputetët e të gjitha partive politike.

Për gjuhën maqedonase, për identitetin maqedonas, për historinë dhe veçantinë maqedonase nuk ka dhe nuk mund të ketë negociata, thonë nga LSDM.

Në anën tjetër, VMRO-DPMNE dhe Hristijan Mickoski, në kohën kur po zgjidhet procesi i integrimeve evropiane të vendit, sillen në mënyrë të turpshme, të papërgjegjshme dhe të papranueshme, duke dëmtuar pozitat shtetërore dhe interesat kombëtare.

Mickoski dhe VMRO-DPMNE e intensifikuan shkatërrimin dhe gënjyen se do të fshihet gjuha maqedonase, se populli do të asimilohet dhe shteti do të bullgarizohet.

Mes tjerash ato shtojnë se Mickoski dhe VMRO-DPMNE të tregojnë përgjegjësi, të mos punojnë për interesa të tjera dhe të mos bëjnë dëm vetëm për hir të përmbushjes së interesave personale dhe partiake./KlanMacedonia