LAJMI I FUNDIT| VIDEO: Ali Ahmeti: Nuk janë terrorist sulmuesit e 27 prillit!
Kryetari i Bashkimit Demokratik për Integrim, Ali Ahmeti, në një emision televeziv, vetëm kohë më parë kishte deklaruar se të akuzuarit e 27 prillit nuk kanë kryer vepër terroriste, siç edhe po akuzohen nga gjyktatat.
Ahmeti në prononcimin e tij ka thënë se nuk pajtohet me kualifikimin terrorizëm.
“Unë për vete nuk do isha dakorduar me kualifikimin terrorizëm. Është kualifikimi më i rëndë” ka thënë Ahmeti mes tjerash.
Ndryshe këtë ide të Ahmetit e ka përkrahur edhe Pendarovski. “Ndërhyrja e dhunshme në Kuvend është një përvojë traumatike, dhe sulmuesit në zemër të Kuvendit nuk janë terroristë”, këtë e deklaroi kreu i shtetit, Stevo Pendarovski në një intervistë, i cili beson se vepra rrezikimi terrorist ndaj rendit kushtetues dhe sigurisë, nuk ishte vepra për të cilën duhej të ndiqen penalisht. Përveç kësaj, presidenti thotë se dënimet e të dënuarve ishin të larta dhe mbështet një rigjykim për rastin e 27 prillit, vetëm nëse ka prova të reja.
Gjykata penale dënoi 16 persona me burgim të përgjithshëm prej 211 vjet, ndërsa Gjykata e Apelit i uli dënimet në 188 vjet. Paralelisht ende po zhvillohet procesi gjyqësor kundër organizatorëve të dyshuar të ndërhyrjes së dhunshme në Kuvend./ALMAKOS
