BDI kthehet në Qytetin e Shkupit, VMRO: Emërimi i Buçit, dëshmi për bashkëpunimin e Arsovskës me BDI-në dhe LSDM-në
August 17, 2024
Facebook Twitter
Emërimi i Jeton Buçit si drejtor në N.P. “Parqet dhe Gjelbërimet” nga ana e Qytetit të Shkupit ka shkaktuar reagime në VMRO-DPMNE, përcjell TV21. Nga VMRO thonë se Buçi është kuadër i BDI-së dhe se kryetarja e Qytetit të Shkupit, Danella Arsovska po zbaton planin e BDI-së dhe LSD-së për ta ngulfatur qytetin në mbeturina, që më pas të akuzohet qeveria.
“Emërimi i Jeton Buçit nga BDI, si dhe drejtorët në NQP, janë dëshmi se nga kush vuan Shkupi. BDI dhe LSD qi qeveri e kapën Arsovskën, e korruptuan dhe shantazhuan dhe tani ajo është zbatuesja e padiskutueshme e të gjitha ideve të çmendura të BDI-së dhe LSD-së, ndër të cilat është plani i tyre i cekët për ta lënë Shkupin të zhytet në mbeturina dhe në institucionet joefikase lokale të qytetit, ndërsa në të njëjtën kohë të akuzohet VMRO-DPMNE”, thuhet mes tjerash në reagimin e VMRO-së.
