Kryetari i Jegunovcës sulmon fizikisht një qytetar nga Shkupi?

Dje (05-janar) në ora 11.40 në SPB Tetovë, personi M.M. (69) nga Shkupi ka raportuar se rreth orës 11.30 në komunën e Jegunovcës ka qenë i sulmuar fizikisht nga kryetari i komunës.

Të njëjtën ditë në ora 14.50 në Policinë e Jegunovcës personi D.K. (44) nga Tudenca e Tetovës, kryetar i Komunës së Jegunovcës ka raportuar se rreth orës 11.30 në komunën e Jegunovcës personi M.M. nga Shkupi është sjellë në mënyrë agresive dhe e ka sulmuar verbalisht.

“Të dy kallëzimet janë duke u proceduar për zbardhjen e plotë të rastit”, thuhet në njoftimin e SPB-Tetovë.