Në kuadër të takimeve të shumta në Vjenë, kryeministri kosovar Albin Kurti është takuar me keshilltarin shqiptar në Austri, Fidan Limani me prejardhje nga Sllupçani i Likovës/Kumanovës. Gjatë verës ata kishin nje takim në kabinetin kryeministror në Prishtinë, kurse edhe në Vjenë kanë vazhduar bisedën në temat e njëjta.
“Si shteti më i ri në Evropë, Kosova po përpiqet të evoluojë në një komb të qëndrueshëm demokratik të bazuar në parimet e sundimit të ligjit dhe të drejtave të njeriut. Krijimi i institucioneve demokratike në një shoqëri që ka përjetuar shtypje dhe është paraqitur një sfidë e rëndësishme në vetvete. Për më tepër, marrëdhënia me Serbinë, e cila gjithnjë e më shumë po qeveriset në mënyrë autoritare, e rëndon ndjeshëm shtetin e Kosovës.
Periudhat e përparimit të kufizuar në dialogun e ndërmjetësuar nga BE-ja ndërmjet Prishtinës dhe Beogradit alternohen me faza të dhunës dhe përshkallëzimit. Këtu hyn në lojë edhe gjeopolitika: Rusia, së bashku me Kinën, e kundërshtojnë me vendosmëri pavarësinë e Kosovës. Pavarësisht përmasave të vogla, Kosova rrezikon të bëhet peng në interesat dhe konfliktet gjeopolitike”, deklaroi Limani për TvNews pas takimit me kryeministrin Kurti.
Ai thotë se Austria është historikisht, ekonomikisht dhe kulturalisht e lidhur ngushtë me vendet e Evropës Juglindore; rreth gjysmë milioni austriakë i kanë rrënjët e tyre në Evropën Juglindore.
“Qëllimi kryesor i politikës së jashtme të Austrisë në rajon është të zbatojë një perspektivë të qartë të anëtarësimit në BE.
Në këtë kontekst, Kosova është një vend prioritar për bashkëpunimin austriak zhvillimor, të cilin Austria po ashtu e ndjek në mënyrë aktive përmes projekteve rajonale në pjesët e tjera të rajonit.
Mbrëmjen e sotme u mbajt ligjërata dhe diskutim me temën “Kosova: Shteti i ri demokratik si lojë e interesave gjeopolitike”. Kryeministri Kurti raportoi për sfidat e vendit të tij në kohë të trazuara.
Përveç diskutimit të gjallë, jam i kënaqur që miqtë e ÖVP-së vizituan Institutin tonë Socialdemokrat Karl Renner në numër të madh. Mirësevini në familjen e madhe socialdemokrate”, theksoi Limani.
