Krimi tronditës në Greqi: Pamje që tregojnë burrin që ndjek ish-gruan, e godet 16 herë me thikë dhe ‘largohet i qetë’

Janë publikuar disa pamje tronditëse, të cilat thuhet se tregojnë se si ish-bashkëshorti shfaqet duke ndjekur një 48-vjeçare, duke përdorur një thikë të madhe, pak çaste para se të arrijë ta godasë për vdekje.

Sipas mediave të huaja, përcjell Telegrafi, Nektaria, 48 vjeçe, u vra me thikë duke u goditur 16 herë nga 54-vjeçari, i cili vazhdoi me një nga vrasjet më brutale që ka tronditur të gjithë Greqinë së fundmi, duke dëshmuar një dhunë dhe morbiditet të paparë.

Në një video të transmetuar për herë të parë, rezulton se autori i vrasjes po ndiqte me furi gruan e tij dhe ajo nga ana e saj vrapoi për t’i shpëtuar vrasësit, i cili po ecte me përkrenaren në kokë, duke ia drejtuar thikën.

Për fat të keq, 48-vjeçarja nuk ka arritur të shpëtojë… më në fund është goditur me thikë dhe ka përfunduar e vdekur.

Gjëja tjetër rrëqethëse e rastit është se menjëherë pas vrasjes së ish-bashkëshortes, autori largohet i pashqetësuar nga vendi i ngjarjes, duke mbajtur armën vdekjeprurëse, duke shkuar te motori i tij për t’u larguar nga vendi i krimit.

Duke folur për mediat, Apostolos Lytras, avokat i fëmijëve viktima, foli për skenat tronditëse.

“Ajo që shoh është tronditëse”.

Sipas zotit Lytras, tashmë barra bie mbi katër fëmijët e familjes, të cilët mbeten në gjendje shoku.

“… Nuk di si ta përshkruaj ndryshe situatën e tyre. Vajza e madhe e çiftit është bërë nënë dhe baba për vëllezërit e motrat. Situata e tyre është tmerrësisht e vështirë, e gjithë jeta e tyre ka ndryshuar”.