KQZ certifikon rezultatet për kryetar në Ferizaj, Shtime e Podujevë

Komisioni Qendror i Zgjedhjeve ka certifikuar rezultatet e zgjedhjeve në tri komunat e mbetura pas ankesave në Paneli Zgjedhor për Ankesa dhe Parashtresa.

Kësisoj, KQZ ka certifikuar zgjedhjet në Shtime, Ferizaj dhe Podujevë.

Ndërkaq pa u certifikuar kanë mbetur rezultatet e zgjedhjeve në Kllokot.

Në Shtime në balotazh garojnë Qemajl Aliu, kandidati i Lëvizjes Vetëvendosje me 45.29 për qind të votave dhe Naim Ismajli i Partisë Demokratike të Kosovës me 44.54 për qind të votave.

Komuna e Podujevës shkon në balotazh ndërmjet Ekrem Hysenit nga Lidhja Demokratike e Kosovës me 44.20 për qind të votave dhe Shpejtim Bulliqit të Lëvizjes Vetëvendosje me 44.16 për qind të votave.

Rezultatet e zgjedhjeve janë certifikuar edhe në Komunën e Ferizajt, ku zgjedhjet i ka fituar Agim Aliu i Partisë Demokratike të Kosovës.