Kovaçevski: Nuk do të ketë ndryshime në përbërjen e Qeverisë

Duke marrë parasysh situatën në BDI dhe mbledhjen e paralajmëruar më 15 Tetor, Kryeministri Dimitar Kovaçevski ka paralajmëruar se kjo nuk do të reflektohet në përbërjen e Qeverisë.

Sipas tij nuk do të ndodhin ndryshime në kabinetin qeveritar, duke siguruar se shumica parlamentare është stabile dhe se vendit nuk i duhen zgjedhje të parakohshme parlamentare, raporton Klan M.

“Për zgjedhje të parakohshme parlamentare nuk shoh ndonjë parti politike që flet për këto zgjedhje. Shumica parlamentare është stabile. E di që BDI më 15 Tetor ka paralajmëruar zgjedhje të Kryesisë, por nuk ka asnjë paralajmërim për ndryshime në përbërjen qeveritare”, deklaroi Kovaçevski.

Shefi i Diplomacisë, Bujar Osmani, ndaj të cilit “Grupi i Zjarrit” në BDI ka shprehur pakënaqësi, duke komentuar mbledhjen e 15 Tetorit të integristëve, ka thënë se debati nga opinion do të transferohet në trupat partiake.

“Do të formohen trupat partiake ku do të vazhdojë ky debat që është shprehje e praktikës demokratike në parti që secili ta shpreh mendimin e tij dhe mendoj se kjo është e shëndetshme për cdo parti dhe shoqëri”, tha Bujar Osmani.

I pyetur nëse personalisht ndjehet i cënuar, Osmani ka theksuar se është misionar e jo funksionar.

“Unë jam një poltikan profesionist që karrierën nuk e ka pasur vetëm në Qeveri. Kur s`kam qenë në qeveri kam qenë në parti. Atë që e thotë Ahmeti, unë jam misionar e jo funksionar. Këto platforma janë vetëm mënyrë për të shprehur misionin tim si zëdhënës, ministër, funksionar që në fakt është një ide dhe ne punojmë për idenë”, deklaroi Osmani.

Temat që lidhen me ndryshimet e mundshme kadrovike në BDI dhe Qeveri, u imponuan pas publikimit të një letre nga i ashtuquajturi “Grupi i Zjarrit” në BDI, ku janë shprehur pakën