Kosovë, publikimi i rezultateve nga KQZ – komunat e fituara dhe ato që shkojnë në balotazh

Pas mbylljes së vendvotimeve, Komisioni Qendror i Zgjedhjeve ka nisur t’i publikoje rezultatet e zgjedhjeve lokale për kryetar komune.

Bazuar në rezultatet preliminare të KQZ-së deri në ora 24:00, në 17 komuna janë shënuar fitore të partive dhe 21 komuna do të shkojnë në raundin e dytë të zgjedhjeve lokale në Kosovë.
Lista Serbe ka fituar nëntë komuna – ( Leposaviq, Novobërdë, Graçanicë, Shtërpc, Partesh, Ranillug, Zveçan Zubin Potoku dhe Kllokot).

Partia Demokratike e Kosovës katër komuna – (Mitrovicë, Ferizaj, Hani i Elezit, Skenderaj).

Aleanca për Ardhmërinë e Kosovës dy komuna – ( Deçan dhe Suharekë).

Lidhja Demokratike e Kosovës dy komuna – ( Lipjan dhe Pejë).

Lëvizja Vetëvendosje nuk ka arritur fitore të qartë në asnjë komunë në raund të parë.

Ndërkaq, në balotazh do të jenë:
Gjakova (AAK-LVV),

Gjilani (LVV-LDK),

Dragashi (PDK-LDK),

Klina (AAK-PDK),

Kamenica (PSD-LVV),

Podujeva (LVV-LDK),

Prishtina (LVV-LDK),

Prizreni (LVV-PDK),

Vitija (LDK-LVV),

Vushtrria (PDK-LDK),

Malisheva (Nisma-PDK),

Juniku (AAK-LDK),

Mamusha (KDTP-KATP),

Gllogovc (PDK-DD),

Kllokot (Lista Serbe-GI SNS),

Istog (LDK-AAK),

Shtime (PDK-LVV),

Rahovec (AAK-LVV),

Fushë Kosova (LDK-LVV),

Obiliqi (IQO-LVV) dhe

Kaçanik (PDK-LVV).

Ndërkaq, duke iu referuar KQZ-së në këto zgjedhje kanë votuar rreth 43 për qind e qytetarëve.

Në këto zgjedhje, për kryetarë të komunave të Kosovës janë certifikuar 166 kandidatë.

Në garën për asamblistë në kuvendet e të gjitha komunave janë certifikuar 5,198 kandidatë.

Në këto zgjedhje lokale kanë pasur të drejtë vote 1 milion e 885 mijë e 448 qytetarë.