Pas 45 “Passatëve” luksoz që qeveria i ka marrë me lizing për mbi 1.7 milion euro, automjet do të prokurojë edhe Komisioni më pak i njohur Shtetëror për Ankesa ndaj Prokurimeve Publike. Megjithëse shpenzimet e parave publike për rinovimin e parkut vozitës të ministrave dhe administratës u kritikua ashpër në kushte kur ka mungesë të ambulancave dhe kamionëve të zjarrfikësve në vend, Komisioni Shtetëror për Ankesa ndaj Prokurimeve Publike do të shpenzojë 1.5 milion denarë për një makinë të re dhe e njëjta do të përdoret në tre vitet e ardhshme. Ky komisioni nuk ka qenë modest në përpilimin e specifikimit të pajisjeve të automjetit. Në prokurimin publik thuhet se duan automjet “sedan”, të jetë me benzinë, të ketë minimum 134 kuaj fuqi. Të ketë marsh automatik, të jetë i zi, të ketë kompjuter udhëtimi, drita LED. Përveç kësaj, sipas publikimit, automjeti duhet të ketë.
Automobili që do ta prokurojnë duhet të jetë i siguruar kasko, por edhe të ketë karton të gjelbër që të mund të përdoret për udhëtime jashtë vendit. Sipas thirrjes publike të publikuar të Byrosë së Prokurimeve Publike, procedura do të jetë elektronike, por nuk do të përdoret E-ankand, i cili mund të ndikojë dhe ta ulë çmimin me anë të ofertave elektronike midis tregtarëve të makinave që do të paraqiten në tender. Pas tre vjetësh përdorim, Komisioni Shtetëror për Ankesa ndaj Prokurimeve Publike do t’ia kthejë automjetin kompanisë që do ta fitojë tenderin. U përpoqëm të lidheshim me këtë komision shtetëror i cili përbëhet nga tre anëtarë dhe 12 anëtarë të shërbimit profesional. Në numrat e telefonit të vendosur në faqen e internetit nuk paraqitet askush që të pyesin pse kanë nevojë për një automjet të ri dhe pse kanë zgjedhur modelin lizingut operativ. Sipas planit të prokurimeve publike të komisionit, prokurimi i makinës ishte planifikuar të kryhet në qershor të këtij viti.
