Kjo është mjekja nga Maqedonia që në Zvicër operoi për 13 vjet pa diplomë

Në Kantonin Aargau të Zvicrës, një mjeke e ka pagëzuar vetveten drejtuese të klinikës, profesoreshë dhe reklamonte ekspertizën e saj. Megjithatë, ajo nuk ka as licencë profesionale dhe as titulli i saj si profesoreshë nuk ka mundur të vërtetohet. Përkundër kësaj, në Zvicër ajo ka operuar për 13 vjet. Si është e mundur diçka e tillë?

Për të qenë në gjendje të operoni si okulist në një klinikë, kërkohen vite të tëra trajnimi të njohura. Por, Simona T. nga Maqedonia e Veriut, zëvendësmjeke në një klinikë të syve në Aargau, ka mundur t`i injorojë këto kushte. Që nga viti 2008, ajo ka mundur ta ushtrojë këtë funksion pa licencë. Kjo është raportuar nga «Aargauer Zeitung», transmeton portali Shtegu. Autoritetet kanënjohuri për këtë, por nuk ndërmarrin asgjë.

Vetëm kur shtetasja maqedonase ka dashur t`i bashkohet Shoqatës së Oftalmologëve në vitin 2015, pas kontrollimit të rezyumës së saj u bë e qartë se ajo nuk kishte një leje trajnimi profesionale. Përveç kësaj, ajo zbukurohet me një titull profesional të diskutueshëm.
Sipas zyrës mjekësore kantonale, Simona T. ka përfunduar trajnimin mjekësor në Maqedoni, por kjo nuk njihet në Zvicër. Mjekët e huaj mund të aplikojnë për licencë profesionale vetëm nëse kanë njohuri teknike dhe gjuhësore. Në Zvicër, mjekët lejohen të veprojnë në klinika pa leje nëse janë nën mbikëqyrjen e një mjeku të trajnuar. Me pak fjalë: mund të jeni vetëm një ndihmës mjek.

Por kështu nuk ka vepruar Simona T. Në klinikën e syve, e cila ka një leje spitalore, ajo vepron si zëvendësmjeke kryesore. Kur ajo mori detyrën, askush nuk ia ka kërkuar licencën e saj për të ushtruar, vazhdon “Aargauer Zeitung”.

Por karriera e Simona T. është gjithashtu e pakuptueshme në disa raste. Ajo pretendon se ka përfunduar trajnimin si kirurge retine në ëürzburg të Gjermanisë midis viteve 1999 dhe 2000. Nga viti 2000 deri në 2005, ajo bëri habilitacionin e saj. Universiteti i ëürzburgut e konfirmon trajnimin, por jo procedurën e habilitimit. Askush nuk e di se si do të mund ta ketë marrë titullin e saj të profesoreshës.

Meqenëse shoqata e okulistëve donte ta mbante Simona T. përgjegjëse për pretendimet ekzistuese, autoritetet kanë qenë në dijeni të kësaj. Por ata nuk bënë asgjë. Arsyeja: “Oftalmologët si shoqatë nuk kanë të drejtë të ngrenë padi”, citoi Aargauer Zeitung prokurorin publik përgjegjës.

Klinika e syve nuk ka dashur të prononcohet për këtë rast.