Kasami nuk komenton nëse Besa do të mbetet në Qeveri

Kryetari i Lëvizjes Besa njëherit edhe kryetar i Komunës së Tetovës, Bilall Kasami nuk komenton nëse do të vazhdojnë të jenë pjesë e Qeverisë. I pyetur nga TV21 për këtë, Kasami me përgjigje të shkurtër: “Sot jam për të rregulluar çështjen e mbeturinave në Tetovë”.

Kujtojmë se largimi i Besës nga Qeveria erdhi pasi që në Komunën e Zhelinës, KSHZ-ja solli vendim për rivotim në vendvotimin 2107, por që ditën e djeshme ky vendim u anulua nga Gjykata Administrative, me çka Komuna e Zhelinës do të udhëhiqet nga Blerim Sejdiu nga Lëvizja Besa. Për vendimin e Administratives me reagim në rrjetin social Facebook, doli edhe kundërkandidati i Sejdiut nga BDI-ja Fatmir Izairi i cili hodhi dyshime se ky vendim i Administratives është politik ose korruptiv, por megjithatë e uroi kundërkandidatin nga Besa, Blerim Sejdiu./TV21