Inspektorati Shëndetësor dhe Sanitar nuk ka gjetur lëshime në punën e mjekëve lidhur me vdekjen e fëmijës 9 vjeçar në Klinikën e Fëmijëve

Inspektorati Shëndetësor dhe Sanitar nuk ka gjetur lëshime në punën e mjekëve lidhur me vdekjen e fëmijës 9 vjeçar në Klinikën e Fëmijëve pak ditë më parë.

Siç njoftojnë nga inspektorati, fëmija fillimisht është paraqitur tek mjeku amë në Sveti Nikollë me dhimbje në stomak, vjellje, kollitje, pagjumësi dhe temperaturë e lartë.

Pas përkeqësimit të gjendjes shëndetësore, fillimisht është dërguar në spitalin e Shtipit e më pas në Klinikën e Fëmijëve në Shkup. Megjithatë edhe përskaj shumë kontrolleve dhe intervenimeve, fëmija nuk ka arritur të mbijetojë.