Hasani: Çka ofron Fronti Europian, të tjerët as në ëndrra nuk mund ta shohin!

Kandidati për deputet nga Fronti Europian në Njesinë Zgjedhore numër 1, Ilir Hasani në emisionin Klan Debat në Tv Klan Macedonia tha se idetë që promovon “Fronti Europian” janë ëndërr për çdo parti tjetër politike.

Hasani tha se BDI si kryesuese e këtij Fronti ka dëshmuar sukses duke realizuar shumë projekte në mbi 20 vite pushtet.

“Cka ofron Fronti Europian në këto zgjedhje, dikush as në ëndrra nuk mund ta shohin. Po zhvillojmë fushatë në super ligë, me ide avantgarde dhe me një politikë gjithëpërfshirëse. Po promovojmë ide që për 22 vite janë realizuar në politikën vendore nga BDI. Unë uroj që kjo kampanjë të jetë demokratike sepse Fronti Europian nuk I ka qytetarët nëpër tribuna por i kemi në prani massive në çdo tubim”, tha Hasani.

Analisti Qanan Aliu tha se pjesëmarrja e mjekut Ilir Hasani në Fronti Europian është vlerë e shtuar, marrë parasysh profilin e tij profesional të dëshmuar ndër vite.

“Unë nuk jam këtu për t’ia mbajtur anën askujt, edhe pse mjekun Ilir Hasanin e çmoj si një resurs gjigand në mjekësi, por unë nuk pajtohem me doktorin se Fronti Evropian dhe partinë që përfaqëson ai ka kryer vetëm punë të mira, ka pasur edhe të këqija. Mendoj se një kuadër si doktor Ilir Hasani do të mund të reformojë matricën e mendimit në atë bllok e parti që punët të shkojnë për së mbari. Nuk do të thotë se BDI për dy dekafda ska bërë gjëra të mira por ka edhe raste që nuk janë aq të mira”, deklaroi Aliu. /TvKlan.mk