Gjendja me gripin, Mexhiti: Kam dhënë urdhër, vizitat në spitale të ndalohen në maksimum

Ministri i Shëndetësisë, Fatmir Mexhiti tha se duhet të respektohen rekomandimet e djeshme të KSI-së, përcjell TV21. Mexhiti tha se nuk ka nevojë për panik në lidhje me situatën me gripin sezonal, por bëri apel që qytetarët të kenë kujdes në ambientet e mbyllura.

“Veç me shërbimet sot kam dhënë urdhër, që në të gjitha pjesët hospitale, ku pacientët rrinë nëpër spitale, të ndalohen vizitat në maksimum, deri sa të kalojmë këtë periudhën e gripit”, theksoi Mexhiti.