Gastronomët me protestë para Qeverisë së Maqedonisë

Gastronomët sonte me një aksion simbolik vendosën një skenë me vegla muzikore, tavolina dasmash dhe një numër njerëzish që dukeshin si mysafirë.

Organizatorët në këtë mënyrë protestuan para Qeverisë, dhe nisën bisedimet me zëvendëskryeministrin për çështje Ekonomike, Fatmir Bytyqi.

Gjatë takimit ata kanë ranë dakord që të ketë një takim tjetër me Inspektoratin e Tregut në mënyrë që të rregullohet deri në fund protokollet për punë.

Bytyqi në takim tha se ishte i vetëdijshëm se sektori i gastronomisë ishte një nga më të goditurit nga pandemia. Por, pohon se në asnjë nga pesë pakot me masa deri më tani nuk janë përjashtuar.