Koalicioni “Fronti Evropian” ka dorëzuar ankesë në Komisionin Shtetëror të Zgjedhjeve (KSHZ) për rivotimin në vendvotimin 2101 në fshatin Llërcë të Komunës së Zhelinës, konfirmojnë nga KShZ.
Kjo është ankesa e vetme në lidhje me rivotimet që nodhën në zonën zgjedhore gjashtë dhe pesë.
KShZ e ka për detyrë që në afat prej 72 orëve të merr vendim në lidhje me ankesën. Pas vendimit të KSHZ-së, vendimi mund të dërgohet në Gjykatën Administrative e cila duhet të vendosë për 48 orë.
Kujtojmë se pas rivotimit në Llërcë të Komunës së Zhelinës, koalicioni Fronti Evropian humbi një deputet.