Intervista e dytë e paralajmëruar e ish-zv/kryeministrit Arben Ahmetaj, njeriut më të afër të Edi Ramës, e kishte tmerruar këtë të fundit.
Prandaj Edi Rama kishte vendosur të marrë masa.
Pasi e sulmoi në kongresin e partisë së tij PS, me pjesëmarrjen e administratës, Rama u ka kërkuar të gjitha mediave dhe platformave televizive që të fiknin sinjalin e SYRI TV, që njerëzit të mos e ndiqnin intervistën e Ahmetaj.
Në këtë mënyrë, Edi Rama vendosi që të sulmojë SYRI TV, vetëm e vetëm se kishte marrë në intervistë njeriun që i di çdo vjedhje kryeministrit të vendit dhe sepse përçon zërin e të vërtetës.
Sinjali i SYRI TV është ndërprerë mbrëmë në shumicën e paketave televizive që transmetojnë në Shqipëri, duke u kërkuar në mënyrë të prerë biznesmenëve që nëse nuk do të bllokonin sinjalin e SYRI-t do të kishin pasoja të rënda.
Ky bllokim i sinjalit të televizionit, bëri që mijëra shqiptarë ta shikojnë online në Youtube intervistën e ish-numrit dy të Edi Ramës, Arben Ahmetaj.
Për këdo që nuk e ka ndjekur dot, mund ta shohë intervistën e plotë në videon e mëposhtme.
INTERVISTA E PLOTE E ARBEN AHMETAJ:
