Forcat e Ukrainës fillojnë të hyjnë në Rusi

Forcat ruse kanë penguar përpjekjen ukrainase për ta kaluar kufirin në rajonin Kursk të Rusisë, ka thënë të martën guvernatori i përkohshëm i këtij rajoni.

Alexei Smirnov ka thënë se forcat e Shërbimit të Sigurisë Federale kanë ndaluar një sulm ukrainas në rajon, raporton Reuters.

Kanali i Telegramit “MASH”, që ka kontakte me sigurinë ruse të shtetit, ka thënë se rreth 100 luftëtarë ukrainas janë përpjekur të futen në Rusi në zonën Sudzha të rajonit Kursk.

Predhat ukrainase kanë plagosur pesë njerëz, përfshirë tre fëmijë, në rajon, ka thënë më herët Smirnovi.