Flet Hoxha: Vajzën që e mora për grua e njoh nga mosha 10-vjeçare, gruaja e parë është dakord

Hoxha Vesim Avdiu ka folur për martesën e tij të dytë me një vajzë 23-vjeçare.

Ai ka thënë se vajza në fjalë është martuar me të me vet dëshirë dhe nuk është e mitur.

“Nuk ekziston ajo që po flitet se unë e kam marrë pa leje e pa kurorëzim. Vajzën e njoh që nga mosha 10-vjeçare pasi ka qenë nxënëse e imja më pas ka vazhduar studimet në Egjipt dhe është kthyer. Më pas ka qenë edhe paciente e imja pasi e kam shëruar nga magjia. Në momentin që ajo e ka marrë veten, kam shkuar te prindi i saj e kam kërkuar dorën dhe më ka dhënë leje”, ka thënë Avdiu.

Avdiu ka shtuar se ai është i martuar edhe më një grua tjetër për 19-vjet, ai ka shtuar se gruaja e tij e parë është dakord me martesën e tij të dytë.