Drekë modeste e kryeministrit Kurti me bashkëpunëtorët, pa biftekë të shtrenjtë e salltanate

Kryeministri Albin Kurti ka drekuar sot me rrethin e ngushtë të partisë që udhëheq, Lëvizjes Vetëvendosje. Afër tij, është parë e ulur anëtarja e Kryesisë së VV’së, Dejona Mihali, e cila së fundi po konsiderohet si një nga njerëzit më me ndikim në Vetëvendosje, raporton Express.

Fotografinë ku shihet edhe Kryeparlamentari Glauk Konjufca, Nënkryetarja e Kuvendit, Saranda Bogujevci, Ministrja Albulena Haxhiu e Shefja e Grupit Parlamentar të VV’së, Mimoza Kusari-Lila, e ka publikuar deputeti i VV’së, Adnan Rrustemi.

LEXO EDHE:
Hetimet për zhdukjen e mostrave të Deharit, Prokuroria hesht
“Dejona tha: ” Nuk mund t’iu lë vetëm dhe nuk mund të ulem diku tjetër”, ka shkruar Rrustemi sipër fotografisë.

Ndryshe, deputeti Haki Abazi, para se të largohej nga GP i VV’së kishte pretenduar se Mihali e kontrollon grupin parlamentar dhe vendimmarrjen aty.