Donika Gërvalla e kërcënoi Zaevin në mes të Shkupit: Dil nga Open Ballkani se do kesh punë me ne!

Ministrja e Punëve të Jashtme të Kosovës, Donika Gërvalla, me guximin e saj për pak kishte shkaktuar një skandal diplomatik në Maqedoninë e Veriut. Ajo gjatë një takimi me kryeministrin maqedonas, Zoran Zaev, kishte ‘kërcënuar’ duke i thënë se “nëse nuk del nga Open Balkan do të kesh punë me ne”.
Nga ana tjetër, kryqeveritari Zaev, i gjendur përballë kësaj situate të pazakontë, i kishte kërkuar që t’ia lëshonte zyrën.
“Me vjen keq zonjë, por kjo bërtitmë është e patolerueshme në zyrën time. Për mirësjellje nuk mund të të nxjerr jashtë, përndryshe nuk mund të flasësh me këtë gjuhë dhe në këtë mënyrë”.
Pas këtij rasti, Gërvalla ishte larguar nga zyra.
Në një shkrim të publikuar të dielën e 23 tetorit në Albanian Post, bazuar nga burimet e mediumit, bëhet një “ekzaminim” i sjelljeve të shefes së diplomacisë kosovare në raport me stafin e ministrisë por edhe në udhëtimet e takimet e saj zyrtare nëpër botë.
Ky tekst, është porositur nga një ministër shqiptar në Qeverinë e Maqedonisë, ndryshe mik i ngushtë me ministrin e jashtëm serb Selakoviç, ka për qëllim të njollosë ministren e jashtme kosovare. Por ai në fakt vetëm tregon guximin e minsitres së jashtme kosovare saj për të luftuar në të gjitha format projektet antishqiptare, siç është Open Ballkani.