Dimër i vërtetë në Maqedoni! Alarm për borë, temperatura të ulëta dhe rrezik nga ngricat

Drejtoria për Punë Hidrometeorologjike ka paralajmëruar reshje gjatë natës, të cilat duke filluar nga veriu do të kalojnë në borë në vendet më të ulëta, ndërsa në gjysmën e dytë të natës do të jenë më intensive, përcjell TV21. Nga mëngjesi në disa vende do të formohet mbulesë bore. Gjatë ditës së nesërme do të ketë reshje bore, ndërsa në disa vende, sidomos në pjesët perëndimore do të jetë e dendur.

Shtresa e borës do të rritet sidomos në zonat malore. Shtresa e borës prej mbi 20 cm do të formohet edhe në pjesët jugperëndimore. Për shkak të temperaturave të ulëta dhe erërave të forta veriore do të ketë ngrica. Të hënën do të ketë reshje të herëpashershme bore, ndërsa në ditët në vijim do të mbizotërojë mot i ftohtë me reshje të dobëta bore.