Deputetët e Kuvendit të RMV-së sot i kthehen punës dhe mëditjeve

Deputetët nga sot po kthehen në punë pas festave të Vitit të Ri dhe Krishtlindjeve. Sot janë caktuar seancat e dy komisioneve parlamentare, ndërsa nesër duhet të mbahet seanca e parë plenare e këtij viti. Njëkohësisht deputetët u kthehen mëditjeve që pranojnë për pjesëmarrje në punën e Kuvendit dhe trupave kuvendore.

Sot pritet të bëhet koordinimi i rregullt i kryetarit të Kuvendit me koordinatorët e grupeve parlamentare.

Seanca duhet të mbahen nga Këshilli Kombëtar për Eurointegrim dhe Komisioni i Mbrojtjes dhe Sigurisë.

Anëtarët e Këshillit Kombëtar për Eurointegrime do të dëgjojnë Programin dhe prioritetet e Presidencës suedeze me Këshillin e Bashkimit Evropian për periudhën janar-qershor 2023, dhe në seancën e Komisionit për Mbrojtje dhe Siguri do të dëgjojnë Propozimin – Vendimin për të dërguar pjesëtarë të Ushtrisë për pjesëmarrje në operacionin ndërkombëtar të Bashkimit Evropian “ALTEA” në Bosnje dhe Hercegovinë (maj 2023 deri në nëntor 2023).

Seanca e parë parlamentare e këtij viti është planifikuar të mbahet nesër. Në rendin e ditës së propozuar të seancës së 99-të janë 15 pika, kryesisht ligje në leximin e parë dhe të dytë.

Vitin e kaluar Kuvendi ka mbajtur 39 seanca të reja, së bashku me vazhdimet e 50-ve të mëparshme. Tetë seanca janë mbajtur për çështje parlamentare, katër fjalime nga mysafirë të huaj dhe një nga presidenti i shtetit.

Në këto 39 seanca në rendin e ditës janë miratuar 290 pika, prej të cilave 190 janë shqyrtuar dhe 100 të pashqyrtuara.