Demiri: Kërkoj nga prindërit që t’i vaksinojnë fëmijët e tyre

Ministri i Shëndetësisë, Ilir Demiri thotë se vaksinimi është arritja më e madhe e sistemit shëndetësor.

Ai theksoi se Qendra për Shëndet Publik Shkup, ka shpallur epidemi, ndërsa aktualisht në nivel shtetëror janë regjistruar 34 të sëmurë me pertusis.

“Do ta shfrytëzoj rastin që t’u drejtohem edhe një herë të gjithë qytetarëve, veçanërisht prindërve që kanë fëmijë të vegjël – arritja më e madhe e sistemit shëndetësor është vaksinimi, prandaj kërkoj që të gjithë t’i qasen vaksinimit të fëmijëve të tyre. Të gjithë fëmijët fillimisht duhet të vaksinohen, pastaj të shkojnë në kopsht”.

“Ky ka qenë edhe një nga kriteret dhe rekomandimi i Komisionit për Sëmundjet Infektive”, tha Demiri duke u përgjigjur në pyetjen e gazetarëve.