Bekteshi takim me ambasadorin e parë të Gjeorgjisë në Maqedoninë e Veriut Liluashvili: Ka potencial të madh për bashkëpunim ekonomik midis dy vendeve
Ministri i Ekonomisë Kreshnik Bekteshi gjatë ditës së sotme realizoi takim pune me Ambasadoren e sapoemëruar të Gjeorgjisë në Republikën e Maqedonisë së Veriut, me qendër në Sofje, Tamuna Liluashvili.
Ministri Bekteshi i uroi mision të suksesshëm Ambasadores Liluashvili me shpresë për thellimin e marrëdhënieve miqësore midis dy vendeve.
Maqedonia e Veriut dhe Gjeorgjia vendosën marrëdhënie diplomatike në vitin 2019, që do të thotë se ka hapësirë të madhe për rritjen e bashkëpunimit ekonomik midis dy vendeve, veçanërisht në shkëmbimin tregtar ku potencialet në të dy palët janë shumë të mëdha.
Ministri theksoi se beson se të dy vendet të cilat kanë një traditë të madhe në periudhën postkovid, do të thellojnë bashkëpunimin në fushën e turizmit, i cili do të kontribuojë në njohjen më të afërt të ndërsjellë të qytetarëve të të dyja vendeve.
Në takim u konkludua se në periudhën e ardhshme do të punojnë së bashku për të përmirësuar bashkëpunimin midis dy vendeve dhe për të krijuar partneritete biznesi që do të nënkuptojnë një trend pozitiv në bashkëpunimin ekonomik midis Maqedonisë së Veriut dhe Gjeorgjisë.
Të dy së bashku konkluduan se në të ardhmen do të punojnë për të përmirësuar marrëdhëniet ekonomike midis dy vendeve, kryesisht duke lidhur marrëveshje për bashkëpunim ekonomik.
