I shoqëruar nga kandidatët për këshilltarë komunalë, sot agjendën e vizitave kandidati për kryetar komune, Bekim Sali, e vazhdoi në mëhallën e tij, te lagjja e ndërtesave në Çair. “Kështu pata mundësi t’i ritakoj edhe shumë fqinj e miq, me të cilët e rikonfimuam synimin tonë për të bërë Çairin e Ri.
Kjo lagje, dikur ndër më të bukurat në Çair, gjithnjë e më tepër po përballet me mungesën e hapësirave për parkim. Ne jemi zotuar që në fund të mandatit kjo temë do të jetë e konsumuar. Këta njerëz meritojnë të jetojnë dinjitetshëm”, tha Bekim Sali pas vizitës.
